الصوت الحر

(( نور الوطن ضيائنا .. مج ـــد الوطن طريقنا ))
 
الرئيسيةاغلاق كاملالتسجيلدخول

شاطر | 
 

 يا ميت ألف مرحب بسيد قــــــــراره

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
طارق المصرى
PR!NCE OF S!TE
PR!NCE OF S!TE
avatar

رقم العضوية : 74
النوع : ذكر
الدولة :
عدد المساهمات : 2577
نقاط المكتسبه : 21650
التقييم : 69
المزاج : الحمد لله
الأوسمة :






مُساهمةموضوع: يا ميت ألف مرحب بسيد قــــــــراره   الجمعة ديسمبر 17, 2010 11:24 am

يا ميت ألف مرحب بسيد قــــــــراره
رجع م الإجازة وطال انتظــــــــــاره
وحشنا غتته ورزالة سيادتــــــــــــــه
وتشريعه اللى هايبد أ عـــــــــــــواره

......
يا ميت ألف مرحب ومرحب كبيــــــر
بتسعة عتاولة بدرجة وزيـــــــــــــــــر
وباقى العتاولة خدوها مقاولــــــــــــــة
وباعوا الغلابة فى سوق الحميـــــــــــر
......
يا ميت ألف مرحب هنا المجلسيــــــــن
عليهم مهابة بتغزى العنيـــــــــــــــــــن
عتاولة مجالس بتعرف توالــــــــــــــس
وتعرف تبجح تقول حقى فيـــــــــــــن؟
......
يا ميت ألف مرحب ومليون يا حوستـى
على اللى جرالى و زود مصيبتـــــــــى
بسيد قراره اللى طال انتظـــــــــــــــاره
اللى قالوا مزوّر وبرضك هايفتــــــــــى
......
يا ميت ألف مرحب ومليون يا غلبـــــى
يا حسرة كبيرة وسكنت فى قلبـــــــــــــى
بمجلس مماطل وتشريعه باطـــــــــــــــل
وهايجيب لى حاكم يزوّد مصايبـــــــــــى
......

يا ميت ألف مرحب ببشله وسلومــــــــه
اللى تم اختيارهم لشغل الحكومـــــــــــة
وخنجر و مطوة اللى فى كل خطـــــــوة
ها يعمل مع الناس خناقة وخصومــــــــة
......
يا ميت ألف مرحب بسيد قـــــــــــــراره
منوّر مشرف بيوتنا بحمــــــــــــــــــاره
سكتنا كتير لما رفس وبعّـــــــــــــــــــر
وبكره وبعده هاتكوينا نـــــــــــــــــــــاره
......
......
يا ميت ألف مرحب ومليون شويـــــــــــة
بمجلس عليه حُكم سبعين قضيـــــــــــــــة
ومليون مخالفة لدماغه اللى ناشفــــــــــــة
وبكره هايفتى فى أم الوسيـــــــــــــــــــــة
......
يا ميت ألف مرحب بسيد أفنــــــــــــــــدى
اللى سيفه فى قلبى وحشايا معـــــــــــــدى
يزين المنصة ببسمة وقصــــــــــــــــــــــة
وتكشيرة فيها يبان التحــــــــــــــــــــــــدى
......
فقيه والفقيه عنده كل الحلــــــــــــــــــــــول
وفى كل فتوة بيقدر يقـــــــــــــــــــــــــــول
وافتى فى عيد الضحية يجـــــــــــــــــــــوز
تضحى الغلابة بفلافل وفــــــــــــــــــــــول
......

يا ميت ألف مرحب وتشكى لميـــــــــــــــــن
حكومة بتلوى دراع التخيــــــــــــــــــــــــــن
بتقتل بأيدها وتعرف تكفــــــــــــــــــــــــــــن
وتمشى ف جنازة ورا المقتوليـــــــــــــــــــن
......
يا ميت ألف مرحب ولسه كمــــــــــــــــــــان
ها تطلع علينا الكلاب والحيتــــــــــــــــــــــان
ويطلع علينا اللى عامل مفتــــــــــــــــــــــــح
وهو فى حقيقته حرامى وجبــــــــــــــــــــــان
......
......
يا ميت ألف مرحب بنور الكراســـــــــــــــــى
جزمهم ها تتحط فوق أم راســـــــــــــــــــــــى
حماية وحصانة وسرقة وعفانــــــــــــــــــــــة
وأطيب ما فيهم أبو قلب قاســــــــــــــــــــــــى
......

......

يا ميت ألف مرحب بأهل التكيــــــــــــــــــــه
اللى نهبوا الأراضى شواطئ وميـّـــــــــــــه
وباين عليهم ولسه فى إيديهـــــــــــــــــــــــــم
دليل قتل ليلى وجثة بهيـــــــــــــــــــــــــــــــة
......
يا ميت ألف مرحب بقول غصب عنـــــــــــى
عشان كل حاجة هايخدوها منـــــــــــــــــــــى
بعلم اللى شايف وفاهم وعــــــــــــــــــــــارف
وخلى حياتى بأفعاله بنــــــــــــــــــــــــــــــــى
......
يا ميت ألف مرحب بمجلس جميـــــــــــــــــــل
ملهشى فى بطلان وجوده مثيــــــــــــــــــــــــل
موافقة ومعارضة بنفس اللســــــــــــــــــــــــان
ونفس الضمير اللى قاتل قتيـــــــــــــــــــــــــــل
......
يا ميت ألف مرحب بوالى الجبايـــــــــــــــــــــة
اللى كفه معلم فى جيبى وقفايـــــــــــــــــــــــــــا
أخدنى ورمانى طعام للحيتــــــــــــــــــــــــــــان
وكرباجه ماشى يطرقع ورايـــــــــــ

سيد الهمشرى



الرجوع الى أعلى الصفحة اذهب الى الأسفل
Ashraf Ayman
Founder & Site Admin
avatar

رقم العضوية : 1
النوع : ذكر
الدولة :
عدد المساهمات : 3717
نقاط المكتسبه : 24756
التقييم : 158
العمر : 25
الموقع : el7or.forumsline.com
العمل/الترفيه : medical records department
المزاج : good
الأوسمة :






مُساهمةموضوع: رد: يا ميت ألف مرحب بسيد قــــــــراره   الجمعة ديسمبر 17, 2010 6:26 pm

ههههههههههههههه
يا جاااااااامد يا طرووووووووق
والله رائع

تسلم ايدك ..
بجد فنان يا معلم



الرجوع الى أعلى الصفحة اذهب الى الأسفل
http://el7or.forumsline.com
طارق المصرى
PR!NCE OF S!TE
PR!NCE OF S!TE
avatar

رقم العضوية : 74
النوع : ذكر
الدولة :
عدد المساهمات : 2577
نقاط المكتسبه : 21650
التقييم : 69
المزاج : الحمد لله
الأوسمة :






مُساهمةموضوع: رد: يا ميت ألف مرحب بسيد قــــــــراره   الجمعة ديسمبر 17, 2010 7:00 pm

شكرا كنج بس دى للمبدع الهمشرى بس عبرت على اللى جوانا صح
شكرا اشرف



الرجوع الى أعلى الصفحة اذهب الى الأسفل
 
يا ميت ألف مرحب بسيد قــــــــراره
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الصوت الحر  :: صوتك الي لازم نسمعه :: مواهب ( شعر , نثر , قصص , الخ.. )-
انتقل الى: