الصوت الحر

(( نور الوطن ضيائنا .. مج ـــد الوطن طريقنا ))
 
الرئيسيةاغلاق كاملالتسجيلدخول

شاطر | 
 

 قصه عشاق علي درب السراب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
esraa
New Member
New Member
avatar

النوع : انثى
الدولة :
عدد المساهمات : 60
نقاط المكتسبه : 12307
التقييم : 0
العمر : 20
الموقع : مصر.اسوان
العمل/الترفيه : الرسم والسباحه والكتابه والمطالعه والقرأه
المزاج : عااديه

مُساهمةموضوع: قصه عشاق علي درب السراب   الخميس فبراير 24, 2011 10:10 pm






الحلقه الاولي




علي كلمات اغنيه ناويها لحماقي نازل محمود رقص و غني بصوت عالي اوي ده غير طبعا صوت الاغنيه

و في نص الاغنيه تليفون البيت رن

ام محمود من المطبخ : يا محمود يا واد يا محمود انت يا زفت

محمود طبعا مش سامع

ام محمود بدات تعلي صوتها اوي : واد يا محمود

محمود : ايووووون ... ووطي الصوت شويه

ام محمود : رد علي التليفون

محمود : عنوني ياام حودا

و راح يرد

محمود : و معانا اتصال تليفوني و نقول الو

المتصل : مساء الخير

محمود بدأ يقلد صوت و طريقه اسامه منير :مساء النور نتعرف بيك

المتصل : ده منزل محمود عبد الله الشروقي

محمود : احم احم ايوه يا فندم مع حضرتك محمود عبد الله الشروقي نعم؟

المتصل : هنا مكتب سياده وزير التربيه و التعليم و سيادته مع حضرتك

محمود : لا يا راجل

و في لحظه الراجل و من غير ما يرد عليه ساب السماعه و هو بيقول : مع حضرتك محمود يا فندم

محمود متنح و بيحاول يصدق

الوزير : مساء الخير

محمود : مساء النور يا سيدي مين حضرتك ؟

الوزير : انت الطالب محمود عبد الله الشروقي؟

محمود لسه مش مصدق و خطر في باله يكون صاحبه عامل فيه مقلب

محمود : هههههههه لا حلوه يا واد يااسامه جامده كيك علي فكره حوار الطالب ده

الوزير : اسامه مين ياابني انا وزير التربيه و التعليم

محمود بدأ يصدق : حضرتك بتتكلم بجد ؟

الوزير : يعني هتصل اهزر معاك انا متصل عشان اهنيك و اهني والدك ووالدتك

محمود : نعم تهنيني علي ايه حضرتك يعني انا مش فاهم

الوزير : علي انك طلعت الاول علي الجمهوريه علمي رياضه بنسبه 103%

محمود : ها

الوزير : ايوه الاول الف مبروك ياابني



....

اكيد فرحه محمود و اهله بالمكالمه دي صعب تتوصف بكلام

لكن تعالوا نتعرف علي محمود

شاب جميل جدا شديد الجمال بيبهر اي حد بجماله و جمال عيونه الزرقاء طويل و محترم جدا و في نفس الوقت دمه خفيف و روش اوي شاطر جدا و بيعشق الرياضيات و طبعا كان في ثانويه عامه السنه دي و كان حلمه انه يدخل هندسه بحريه و تقريبا اتحقق ((من بورسعيد))




....


و نروح علي بيت تاني في محافظه تانيه بالتحديد في ((الاسكندريه ))وفي نفس الساعه تقريبا كانت قاعده بنوته جميله في البلكونه بتقري في مجله

و رن تليفون البيت

و المره دي كان قاعد جنبه ياسين

ياسين : السلام عليكم

المتصل : و عليكم السلام ده منزل الطالبه ريماس ايمن هنداوي؟

ياسين بقلق : ايوه مين معايا

المتصل : مكتب وزير التربيه و التعليم ...الطالبه ريماس موجوده ؟

ياسين باستغراب : ايوه في حاجه؟

المتصل : سياده الوزير عاوز يكلمها

ياسين علامات الفرحه اترسمت علي وشه : بجد يبقي زي مااتوقعت . ثواني اندهها

ريماس ريماس

ريماس طلعت بسرعه : ايوه يا ياسين

ياسين : تعالي كلمي بسرعه

ريماس بصوت خافت : مين؟

ياسين : وزير التربيه و التعليم

ريماس : نعم

ياسين : خدي كلمي

ريماس بلخبطه و كسوف و قلق و فرحه : الو

الوزير : مساء الخير

ريماس بتحاول تجمع : مساء النور

الوزير : مبروك يا ريماس

ريماس بصوت طالع بالعافيه :الله يبارك في حضرتك بس علي ايه؟

الوزير : انتي من اوائل الثانويه العامه السنه دي و اخدتي المركز الرابع مكرر علي مستوي الجمهوريه علمي علوم بنسبه 101%

ريماس بفرحه : بجد و الله .. ربنا يبارك في حضرتك انا مش مصدقه....



...

و طبعا فرحه ريماس و اهلها برده صعب تتوصف

و تعالوا نتعرف علي ريماس و ياسين

ريماس : بنوته رقيقه جدا ملامحها هاديه و صافيه اوي شعرها بني و ناعم و عنيها عسليه لايقه علي وشها لكن للاسف مداريه جمالهم بنضاره حفظ نظر ..مؤدبه اووووي و لخمه جدا ملهاش غير في المذاكره و امنيه حياتها تدخل كليه صيدله زي اخوها و تقريبا برده حصل

ياسين : اخو ريماس الكبير.. السنه دي كانت اخر سنه ليه في الصيدله يعتبر المثل الاعلي لريماس طويل و وسيم جدا و طموح و محترم جدا في كل حاجه
من يوم مااتخرج مستني حاجتين ..انه يتقبل في وظيفه من الخمسين وظيفه اللي قدم فيهم لشركات الادويه و للاسف مستني الجيش




....


و تاني يوم و كالمعتاد حصلت المقابله بين الوزير و الطلبه الاوئل و بلغهم برحله هتتعمل لفرنسا للخمسه الاوائل منهم الاسبوع الجي لمده عشر ايام


...

ريماس : صعب اوي يا جنا

جنا : انتي هبله يا بت هو ايه اللي صعب دي رحله لفرنسا يعني حاجه كده عمر الواحد مااتخيلها فسحه جامده جدا و ببلاش الصعب هو انها تترفض

ريماس : بس انا عمري ما طلعت رحله لوحدي معرفش فيها حد و لا اعرف هيحصل فيها ايه

جنا : هيحصل فيها ايه يعني .. يابت بطلي عقد و كسوف و حاولي بقي تتاقلمي مع الناس و تبقي جريئه

ريماس : معرفش بضرب لخمه لما اتحط في موقف مع حد غريب مببقاش عارفه ارد و لا اصد يعني امبارح مع الوزير العيال كلها نازله كلام معاه و انا ساكته مش عارفه اتكلم خالص

جنا : ماانتي بربنط اهه امال بتتخرسي ليه مع البشر التانين

ريماس : مش عارفه بقي هو انا كده

جنا : طيب مامتك و اخواتك رايهم ايه

ريماس :ماما موافقه و تقريبا بتقولي نفس كلامك ده

جنا : طب و ياسين؟

ريماس بانتباه : ماله ياسين ؟

جنا بلخبطه :ا ا اقصد يعني راي ياسين و امير ايه ؟

ريماس : ياسين زي ماانتي عارفه بيقلق عليا اوي قلت هيقف في صفي و يقول متسافريش بس لقيته موافق هو كمان و امير طبعا موافق و بيحقد عليا كمان

جنا : ههههههههه .. خلاص يبقي هتسافري يا حبي و لازم تتغيري بقي انتي داخله علي عالم مفتوح و لازم تتعودي عليه و تبطلي خجلك الزياده ده

ريماس : هحاول


جنا جاره ريماس و صاحبتها من و هما صغيرين اكبر منها بسنه لكنها اقرب واحده ليها بنوته جميله و اجتماعيه اوي عكس ريماس عندها كاريزما غريبه في شخصيتها تشدك ليها اوي بس لو عرفتها و اتعاملت معاها كويس و في كليه علوم


....



و عدي الاسبوع و جيه يوم السفر


محمود رايح المطار معاه باباه و صاحبه اسامه و طبعا طاير من الفرحه

و ريماس معاها مامتها و اخواتها و طبعا هتموت من الخوف و القلق



...

محمود : سلام يا بوب هتوحشني

عبد الله والد محمود : و انت كمان هتوحشني يا حبيبي خلي بالك من نفسك و متنساش تطمنا اول ما توصل

محمود : طبعا يا كبير ان شاء الله ... هدي بس الحاجه و طمنها

عبد الله : ان شاء الله

و راح محمود لاسامه يسلم عليه

محمود : هتوحشني يا واد

اسامه : و انت كمان يا حودا هتوحشني اوي

محمود : ابقي اسال علي امي و ابويا متستندلش

اسامه : في عنيا يا باشا .. ووطي عليه .. بس شكل رحلتك هتكون جامده اخر حاجه

محمود : اشمعنه يعني

اسامه : معاك شويه مزز انما ايه

محمود : هههههههه قول هتبقي رحله منيله بنيله انا مش معايا غير ولد واحد بس وواد خنيق موت حاولت اكلمه يوم ما كنا في الوزاره عامل زي الطوبه

اسامه : يا باشا المزز تغني عن الف ولد

محمود : ده في قاموسك انت يااخويا


.....

و علي ناحيه تانيه ريماس مع اهلها

مامتها : خلي بالك من نفسك يا ريماس

ريماس بقلق : ان شاء الله يا ماما

ياسين : حبيبتي اهدي مش كده انتي رايحه فسحه جميله و معاكي بنات كتير اهه بطلي قلق

ريماس : خايفه اوي يا ياسين انا عمري ما بعدت عنكوا قبل كده اقوم اول مره اعملها اروح فرنسا ولوحدي

ياسين بابتسامه : دول عشر ايام يا حبيبه قلبي مش حكايه

امير : من لقي دلع و مدلعش عقبالنا يارب

ريماس : انت علي طول بتحقد عليا كده يا ساتر

امير : اصلي مش لاقي حد يدلعني نص دلعك ياختي

ياسين : ندلعك علي ايه يااخويا روح انجر من هنا


امير اخو ريماس اللي اكبر منها علي طول بيقولوا عليه فاشل لانه دخل كليه تجاره لكنه ذكي اوي مشكلته انه مبيبحش المذاكره روش اوي و لذيذ


و بدأ مشرف الرحله ينادي عليهم عشان معاد الطياره

و الكل ودع اهله و اصحابه و طلعوا علي الطياره


وصلوا فرنسا بالليل و طلعوا علي الفندق اللي هيقيموا فيه و طبعا الكل كان تعبان من السفر



لكن قبل ما يطلعوا يستريحوا المشرف اتكلم معاهم كلمتين و قالهم ان لكل واحد فيهم الحريه انه ينزل من اوضته لكن ميخرجش بره الفندق من غير اذنه و الخروج يكون مع الجروب كله حفاظا عليهم لانه مسئول عنهم و قالهم ان المطعم هنا اربعه و عشرين ساعه للي يحب يفطر او يتغدي او يتعشي


طلع الكل علي اوضته

محمود كلم مامته و باباه و حاول ينام بعدها


و طبعا ريماس مخنوقه و نفسها ترجع ..كلمت مامتها و اخواتها و طمنتهم عليها و طمنوها و هدوها .. بعدها قعدت فتحت التي في شويه يسليها حاولت تنام لكن معرفتش و استنت النهار يطلع و قررت تنزل تلف الفندق





نزلت قعدت تتفرج عليه و راحت عشان تفطر في المطعم

كان فات علي معاد وصولهم حوالي 3 ساعات نامهم محمود من غير ما يحس و صحي في معاد صحيانه المعتاد حاول ينام بعدها تاني معرفش

محمود رمي البطانيه من عليه بنرفزه : يوووووووووه يعني لو نمت ساعه زياده عن معادي هيحصل ايه يعني استغفر الله العظيم


قام قعد يرتب حاجته و لبس هدومه و نزل عشان يفطر




نزل المطعم كان شبه فاضي مفهوش ناس كتير


و لمح ريماس و طبعا عرفها لانه قابلها في الوزاره و كان معاها علي نفس الطياره

راح ناحيه الطرابيزه و هو متردد بيقدم رجل و ياخر رجل لكنه قال لنفسه ان مفهاش حاجه لو طلب يفطر معاها ماهي قاعده لوحدها



محمود : صباح الخير

ريماس اتخضت و بصتله اوي و بعد كده نزلت عنيها من عليه و منطقتش


محمود كرر تاني : صباح الخير

و هي لسه علي نفس الوضع مش عارفه ترد عليه و ضربت لخمه كعادتها ووشها قلب الوان

محمود بينه و بين نفسه : هي خارسه و لا ايه البت دي ؟!!!

محمود : ياانسه

ريماس بصوت مش طالع : نعم

محمود اتنرفز عليها : ماانت بتتكلمي اهه مش خارسه يعني

ريماس : افندم

محمود : اظن ان من الذوق ان لما حد يكلمك تردي عليه

ريماس حاولت تجمع قوتها عشان ترد عليه : يعني انا قليله الذوق

محمود : لما اكلمك و مترديش عليا و كاني واقف اشحت منك تبقي ايه ان شاء الله

ريماس بصتله اوي و جواها كلام كتير اوي نفسها تقولوه و مش قادره

ملقتش قدامها غير انها تاخد بعضها و تمشي خالص من المكان بعد ما عنيها اتملت بالدموع


محمود وقف يبصلها و هي ماشيه بعد ما لمح الدموع في عنيها

" يووووووووه بنات مدلعه دلع رخم بتعيط ليه دي ايه اليوم ده بس ياربي "







.....

طلعت ريماس علي اوضتها و قعدت تفكر في اللي حصل شويه لحد لما راحت في النوم


صحيت بالليل علي صوت موبايلها بيرن كان المشرف بيستعجلها عشان خارجين

قامت لبست و نزلت كان عنيها ورمه و باين عليها زعلانه

واحده من البنات اسمها سمر حاولت تفتح معاها حوار

سمر : ازيك يا ...

ريماس : ريماس

سمر : و انا سمر

ريماس : اهلا

سمر : ميرسي .. انتي مالك كده شكلك زعلان

في الوقت ده ظهر قدامها محمود اللي كان واقف عمال يبصلها و كل شويه يرفع عينه عليها و ينزلها عشان محدش ياخد باله

ريماس حاولت تتجاهل وجوده : لا ابدا مفيش بس نمت كتير و عندي شويه صداع

سمر : الف سلامه عليكي

و قعدت ترغي كتير و ريماس مش مركزه معاها خالص

بدأوا يتحركوا من الفندق

و كانوا توينزات كل اتنين ماشين مع بعض

محمود كان بيبص لريماس اوي كده لانه اول ما شافها نازله كان باين عليها انها مرهقه اوي و زعلانه بدأ ضميره يأنبه و مكنش عارف يعمل ايه كل مره يرفع عينه في عينها يحس يزعل و ضيق


فضل علي الحال ده و فضل مستني طول الجوله بتاعتهم ان سمر اللي ماشيه معاها تفارقها عشان يحاول يتكلم معاها


لحد لما وقفت سمر تتفرج علي نافوره كبيره اوي و جميله و ريماس سرحت منها و محستش انها وقفت و فضلت مكمله في طريقها

استغلها محمود فرصه و جري عليها

محمود : لو سمحتي يا انسه

ريماس وقفت بصتله ثانيه و سابته و مشيت

محمود : اسمعيني بس

ريماس : انا مبقبلش اسف من حد

محمود الدم غلي في عروقه و كز علي سنانه بغيظ : و مين قالك اني جاي اعتذر انتي ايه التناكه اللي انتي فيها دي علي ايه يعني

ريماس من غير ما تحس : علي فكره انت قليل الادب


نزلت الكلمه علي محمود و كانها دوش ميه ساقعه تلج و من غير وعي رفع ايده و...



.......






و نكمل الحلقه الجايه
الرجوع الى أعلى الصفحة اذهب الى الأسفل
http://ebda3.ba7r.org/
Ashraf Ayman
Founder & Site Admin
avatar

رقم العضوية : 1
النوع : ذكر
الدولة :
عدد المساهمات : 3717
نقاط المكتسبه : 24461
التقييم : 158
العمر : 25
الموقع : el7or.forumsline.com
العمل/الترفيه : medical records department
المزاج : good
الأوسمة :






مُساهمةموضوع: رد: قصه عشاق علي درب السراب   الجمعة فبراير 25, 2011 3:26 am

والله جميله اوي اوي اوي يا اسراء
كملي الاجزاء الباقيه ..

متابع ..



الرجوع الى أعلى الصفحة اذهب الى الأسفل
http://el7or.forumsline.com
طارق المصرى
PR!NCE OF S!TE
PR!NCE OF S!TE
avatar

رقم العضوية : 74
النوع : ذكر
الدولة :
عدد المساهمات : 2577
نقاط المكتسبه : 21355
التقييم : 69
المزاج : الحمد لله
الأوسمة :






مُساهمةموضوع: رد: قصه عشاق علي درب السراب   الجمعة فبراير 25, 2011 11:48 am

وانا فى انتظار الباقى بارك الله فيك شكرا
منورة



الرجوع الى أعلى الصفحة اذهب الى الأسفل
esraa
New Member
New Member
avatar

النوع : انثى
الدولة :
عدد المساهمات : 60
نقاط المكتسبه : 12307
التقييم : 0
العمر : 20
الموقع : مصر.اسوان
العمل/الترفيه : الرسم والسباحه والكتابه والمطالعه والقرأه
المزاج : عااديه

مُساهمةموضوع: رد: قصه عشاق علي درب السراب   الجمعة فبراير 25, 2011 4:58 pm

CLASSIC ADMIRAL كتب:
والله جميله اوي اوي اوي يا اسراء
كملي الاجزاء الباقيه ..

متابع ..


الاجمل مروروك

الرجوع الى أعلى الصفحة اذهب الى الأسفل
http://ebda3.ba7r.org/
esraa
New Member
New Member
avatar

النوع : انثى
الدولة :
عدد المساهمات : 60
نقاط المكتسبه : 12307
التقييم : 0
العمر : 20
الموقع : مصر.اسوان
العمل/الترفيه : الرسم والسباحه والكتابه والمطالعه والقرأه
المزاج : عااديه

مُساهمةموضوع: رد: قصه عشاق علي درب السراب   الجمعة فبراير 25, 2011 4:59 pm

طارق المصرى كتب:
وانا فى انتظار الباقى بارك الله فيك شكرا
منورة


دا نورك يا طارق
الرجوع الى أعلى الصفحة اذهب الى الأسفل
http://ebda3.ba7r.org/
Ashraf Ayman
Founder & Site Admin
avatar

رقم العضوية : 1
النوع : ذكر
الدولة :
عدد المساهمات : 3717
نقاط المكتسبه : 24461
التقييم : 158
العمر : 25
الموقع : el7or.forumsline.com
العمل/الترفيه : medical records department
المزاج : good
الأوسمة :






مُساهمةموضوع: رد: قصه عشاق علي درب السراب   الجمعة فبراير 25, 2011 7:42 pm

esraa كتب:
CLASSIC ADMIRAL كتب:
والله جميله اوي اوي اوي يا اسراء
كملي الاجزاء الباقيه ..

متابع ..


الاجمل مروروك


ماشي يا جميل ومنتظر الجزء التاني والتالت
هههههههههههه احنا طماعين



الرجوع الى أعلى الصفحة اذهب الى الأسفل
http://el7or.forumsline.com
esraa
New Member
New Member
avatar

النوع : انثى
الدولة :
عدد المساهمات : 60
نقاط المكتسبه : 12307
التقييم : 0
العمر : 20
الموقع : مصر.اسوان
العمل/الترفيه : الرسم والسباحه والكتابه والمطالعه والقرأه
المزاج : عااديه

مُساهمةموضوع: رد: قصه عشاق علي درب السراب   الجمعة فبراير 25, 2011 10:01 pm

هههههههههههههههه من عنيا
الرجوع الى أعلى الصفحة اذهب الى الأسفل
http://ebda3.ba7r.org/
Ashraf Ayman
Founder & Site Admin
avatar

رقم العضوية : 1
النوع : ذكر
الدولة :
عدد المساهمات : 3717
نقاط المكتسبه : 24461
التقييم : 158
العمر : 25
الموقع : el7or.forumsline.com
العمل/الترفيه : medical records department
المزاج : good
الأوسمة :






مُساهمةموضوع: رد: قصه عشاق علي درب السراب   الجمعة فبراير 25, 2011 11:39 pm

تسلم عيونك يا جميل منتظرك ..



الرجوع الى أعلى الصفحة اذهب الى الأسفل
http://el7or.forumsline.com
 
قصه عشاق علي درب السراب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الصوت الحر  :: صوتك الي لازم نسمعه :: مواهب ( شعر , نثر , قصص , الخ.. )-
انتقل الى: