الصوت الحر

(( نور الوطن ضيائنا .. مج ـــد الوطن طريقنا ))
 
الرئيسيةاغلاق كاملالتسجيلدخول

شاطر | 
 

 لو اتسألت ليه نازل يوم 18/11 ؟؟ تقول الاتي...

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
طارق المصرى
PR!NCE OF S!TE
PR!NCE OF S!TE
avatar

رقم العضوية : 74
النوع : ذكر
الدولة :
عدد المساهمات : 2577
نقاط المكتسبه : 21525
التقييم : 69
المزاج : الحمد لله
الأوسمة :






مُساهمةموضوع: لو اتسألت ليه نازل يوم 18/11 ؟؟ تقول الاتي...   الجمعة نوفمبر 18, 2011 12:25 pm

و اتسألت ليه نازل يوم 18/11 ؟؟ تقول الاتي....

* لما تقوللي المشير مش طمعان في الحكم .. و تلاقي حملة لترشيحه للرئاسة.. يبقي فيه حاجة غلط

*لما تقوللي إن المجلس العسكري بيعد وثيقة مباديء فوق دستورية .... تجعل منه قوة فوق المحاسبة ..... و فوق الشعب و الحكومة .... و تجعل منه دولة داخل الدولة .........يبقي فيه حاجة غلط

* لما تقوللي إن تونس انتخبت لجنة تأسيسية لوضع دستور جديد و تشكيل حكومة انتقالية ..... و مصر لسة بتعمل مجلس شعب هاينتخب لجنة تأسيسية لوضع دستور بعد سنة .. و مش هيشكل حكومة .. يبقي فيه حاجة غلط*لما تقوللي مفيش أمن بعد 9 شهور....رغم المليارات اللى إتصرفت على الشرطة, ...يبقى في حاجة غلط

* لما تقوللي إن الفوضى هتستمر لحد شهر 5 / 2013 موعد إنتخاب الرئيس ... يبقي فيه حاجة غلط

*لما تقوللي إن لحد النهاردة مفيش و لا جنيه رجع من فلوسنا اللي عند الحرامية ...يبقي فيه حاجة غلط

* لما تقوللي إن أسبانيا أخدت من حسين سالم 32,5 مليون يورو ومباني بقيمة 10 مليون يورو ........ و احنا مشوفناش منه مليم من فلوسنا اللي سرقها .......... يبقي فيه حاجة غلط

* لما تقوللي إن خزينة الدولة مفيهاش فلوس لتحقيق مطالب المواطنين ... مع إن في مصر ألاف الموظفين بيقبض الواحد منهم فوق المليون جنيه شهريا و ومساعدينهم بيقبضوا مئات الآلاف في الشهر .... و كمان رجال الأعمال عليهم 100 مليار جنيه ضرائب للدولة .... يبقي فيه حاجة غلط

* لما تقوللي إن أحد فلول الحزب الوطني هدد بعزل الصعيد و قطع الكهرباء عن مصر .... لو تم منعهم من الترشيح لمجلس الشعب .... و محدش حتي رد عليه ................يبقي فيه حاجة غلط

*لما تقوللي إن كل الناس اللي بتعارض خونة و عملاء و مأجورين .... من غير حكم واحد قضائي يقول كده ....
و لا حتي تحقيق ................ يبقي فيه حاجة غلط

* لما تقوللي إن فيه مؤامرات داخلية و خارجية علي البلد ...... و ترمي اتهامات يمين و شمال... من غير ما تكشف أشخاص و لا مؤامرة ....و أنت عندك أمن وطني و مخابرات و جيش ............ يبقي فيه حاجة غلط

* لما تقوللي إن المشير و عمر سليمان و العيسوي شهدوا في المحكمة ببراءة مبارك من كل التهم .... رغم إن البيان رقم 52 للقوات المسلحة ... قال رفضنا أوامر بإطلاق النار علي المتظاهرين .....يبقي فيه حاجة غلط

* لما تقوللي إن الثوار بيتحاكموا عسكري ..... و مبارك قاعد في مستشفي 7 نجوم .... و نائب رئيس الشرطة العسكرية بيضرب تعظيم سلام للعادلي في المحكمة ........ يبقي فيه حاجة غلط

*لما يسألك ابنك : - ليه يا بابا سيبت الثورة تضيع سنة 2011 ...؟؟؟؟ ومعملتش المستحيل عشان مستقبلنا يبقى أفضل ؟؟؟ ومتقدرش ترد عليه ..... يبقي فيه مليون غلط

طيب إيه الحل ؟؟؟

نتمسك برئيس مدني.. ، الاستقرار إن ناس قلبها عليك انت تحكم ... الاستقرار ان المدني يحكم و العسكري يدافع عن الحدود . الحل أن مش ممكن المجلس يحكم مصر أكتر من كدة, الحل أن رئيس مدني نقدر نحاسبه هو اللى يمسك, الحل أن ننزل يوم 18 / 11 و نقول لأ للظلم و لأ لخراب مصر

يا شباب مصر و أحرارها :-

إحنا بنعيش مرحلة تحول خطيرة من عمر مصر... بلدنا واحدة و متسقبلنا واحد .. والفرصة في إيدينا دلوقتي عشان نبقي أحسن بلد .. الخير في مصر كتير قوي ..بس النهب أكتر . مش عايزين نتسرق تاني ..ولا أمن دولة يعذبنا تاني ..فات الكثير ... و استحملنا الكثير .. و اللي جاي أسهل بكتير ..بس المهم:- نكمل صح.

أنا راجع الميدان 18 / 11 ..... راجع أطالب بالإستقرار و إنهاء المرحلة الإنتقالية ......... العدل و الحرية و حق الشهيد .....أو الشهادة في سبيل الحق



الرجوع الى أعلى الصفحة اذهب الى الأسفل
طارق المصرى
PR!NCE OF S!TE
PR!NCE OF S!TE
avatar

رقم العضوية : 74
النوع : ذكر
الدولة :
عدد المساهمات : 2577
نقاط المكتسبه : 21525
التقييم : 69
المزاج : الحمد لله
الأوسمة :






مُساهمةموضوع: رد: لو اتسألت ليه نازل يوم 18/11 ؟؟ تقول الاتي...   الجمعة نوفمبر 18, 2011 12:30 pm


* لما تقوللي إن تونس انتخبت لجنة تأسيسية لوضع دستور جديد و تشكيل حكومة انتقالية ..... و مصر لسة بتعمل مجلس شعب هاينتخب لجنة تأسيسية لوضع دستور بعد سنة .. و مش هيشكل حكومة .. يبقي فيه حاجة غلط*لما تقوللي مفيش أمن بعد 9 شهور....رغم المليارات اللى إتصرفت على الشرطة, ...يبقى في حاجة غلط



الرجوع الى أعلى الصفحة اذهب الى الأسفل
Ashraf Ayman
Founder & Site Admin
avatar

رقم العضوية : 1
النوع : ذكر
الدولة :
عدد المساهمات : 3717
نقاط المكتسبه : 24631
التقييم : 158
العمر : 25
الموقع : el7or.forumsline.com
العمل/الترفيه : medical records department
المزاج : good
الأوسمة :






مُساهمةموضوع: رد: لو اتسألت ليه نازل يوم 18/11 ؟؟ تقول الاتي...   الجمعة نوفمبر 18, 2011 1:11 pm

ياريتني في التحرير كنت نزلت




الرجوع الى أعلى الصفحة اذهب الى الأسفل
http://el7or.forumsline.com
gehan
New Member
New Member


النوع : انثى
الدولة :
عدد المساهمات : 89
نقاط المكتسبه : 14268
التقييم : 5
الموقع : http://el7or.forumsline.com/
المزاج : no comment

مُساهمةموضوع: رد: لو اتسألت ليه نازل يوم 18/11 ؟؟ تقول الاتي...   الجمعة نوفمبر 18, 2011 9:46 pm

اقتباس :
طيب إيه الحل ؟؟؟

نتمسك برئيس مدني.. ، الاستقرار إن ناس قلبها عليك انت تحكم ... الاستقرار ان المدني يحكم و العسكري يدافع عن الحدود . الحل أن مش ممكن المجلس يحكم مصر أكتر من كدة, الحل أن رئيس مدني نقدر نحاسبه هو اللى يمسك, الحل أن ننزل يوم 18 / 11 و نقول لأ للظلم و لأ لخراب مصر


احنا في خطر عمليات الجريمه بقت كتير اوي عاوزين حل المجلس العسكري بتهيألي كده
اتنازل عن دور الشطرنج مع خصومه وسابنا ضحيه وفريسه لأعدائنا بره
الرجوع الى أعلى الصفحة اذهب الى الأسفل
 
لو اتسألت ليه نازل يوم 18/11 ؟؟ تقول الاتي...
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الصوت الحر  :: صوتك الي لازم نسمعه :: نقطة حوار-
انتقل الى: